काठमाडौँ । आइसीसीले टी २० क्रिकेटको नयाँ वरियता सार्वजनिक गरेको छ । सोमबार सार्वजनिक गरेको वरियतामा नेपाल १३ औँ स्थानमा यथावत् छ ।

विगतमा १३ औँ स्थानमा रहेको नेपाल वरीयतामा तलमाथि नभई यथास्थानमै रहेको हो । भारत टी २० वरीयताको शीर्ष स्थानमा उक्लिएको छ । वेस्ट इन्डिजविरुद्ध घरेलु मैदानमा सम्पन्न तीन टी २० क्रिकेट शृंखलामा ‘क्लिन स्विप’ गरेसँगै भारत वरीयताको शीर्ष स्थानमा उक्लिएको हो ।

वरीयताको दोस्रो स्थानमा इंग्ल्यान्ड छ । तेस्रोमा पाकिस्तान, चौथोमा न्युजिल्यान्ड, पाँचौंमा दक्षिण अफ्रिका, छैटौंमा अस्ट्रेलिया, सातौंमा वेस्ट इन्डिज, आठौंमा अफगानिस्तान, नवौंमा श्रीलंका र १० औंमा बंगलादेश छ ।

वरीयतामा एसोसिएटतर्फ भने सयुक्त अरब इमिरेट्स (यूएई) शीर्ष स्थानमा छ । यूएई वरीयताको १२ औं स्थानमा छ ।