काठमाडौं । विश्व फुटबलको सर्वोच्च निकाय फिफाले रुसको झण्डामाथि प्रतिबन्ध लगाएको छ । युक्रेनमाथि रुसले हमला गरेपछि फिफाले रुसको राष्ट्रिय झण्डामाथि प्रतिबन्ध लगाएको हो ।

फिफाले रुसको राष्ट्रिय झण्डामा प्रतिबन्ध लगाउँदै फुटबल युनियन अफ रुस (आरएफयू)को झण्डामा खेल्नुपर्ने निर्णय गरेको छ ।
रुसी राष्ट्रपति भ्लादिमिर पुटिनले छिमेकी मुलुक युक्रेनविरुद्ध सैन्य कारबाही अघि बढाएपछि फिफाले फुटवलमा रुसको राष्ट्रिय झण्डा प्रयोग गर्न प्रतिबन्ध लगाएको हो ।

आइतबार फिफाले रुसका आगामी खेलहरू रसियन झण्डामा नभई आरएफयूको तटस्थ ब्यानरमा खेल्नुपर्ने निर्णय गरेको हो ।
यस्तै, युरोपियन फुटबलले च्याम्पियन्स लिगको फाइनल खेल पनि सेन्ट पिटर्सबर्गमा नगर्ने निर्णय गरेको छ ।

फिफाले रुसमाथि यस्तो निर्णय गरेसँगै केही देशले रुसमा फुटवल खेल्न पनि अस्वीकार गरेका छन् । पोल्याण्ड, स्विडेन र चेक गणतन्त्रले संयुक्त रूपमा रुसमा खेल्न अस्वीकार गरेका हुन् ।