काठमाडौँ । सत्ता गठबन्धन दल नेकपा एकीकृत समाजवादी (एस)ले आज पत्रकार सम्मेलन गर्ने भएको छ । अमेरिकी सहयोग परियोजना मिलिनियम च्यालेञ्ज कर्पोरेशन (एमसीसी)बारे धारणा राख्न पत्रकार सम्मेलन गर्ने भएको हो ।

पार्टी अध्यक्ष माधव कुमार नेपालले सम्बोधन गर्ने कार्यक्रम दिउँसो २ बजे बानेश्वरस्थित अर्पण ब्याङ्क्वेटमा हुने भएको हो । यस्तै, समसामयिक राजनीतिक विषयमा समेत पार्टीको धारणा सार्वजनिक हुने नेकपा एसले जनाएको छ ।

गत आइतबार रातिसम्म बसेको प्रतिनिधिसभा बैठकमा एमसीसी अनुमोदन हुँदा नेकपा एसले पक्षमा समर्थन गरेको थियो । यसअघि संशोधन भए मात्रै एमसीसी संसदबाट अनुमोदन गर्नु पर्ने माग राखेको नेकपा एसले पछिल्लो समय ‘व्याख्यात्मक टिप्पणी’सहित पक्षमा पुगेको थियो ।