सप्तरी । नेपाली कांग्रेस सप्तरीको सभापतिमा डा. शेखर कोइराला पक्षबाट उम्मेदवार रामदेव साह विजय भएका छन् । संस्थापन पक्षका उम्मेदवार शत्रुधन यादवलाई ११६ मतले पराजित गर्दै ११ सय ८६ मत प्राप्त गरि उनी विजयी भएका हुन् ।

यादवले एक हजार ७० मत प्राप्त गरेका छन् । मंगलबार सम्पन्न मतदानको मत गणना बिहीबार बिहानदेखि शुरू भएको थियो कांग्रेस सप्तरीमा कूल दुई हजार ५३५ मतदाता छन् ।

जसमध्ये २ हजार ३४२ जनाले मतदान गरेका थिए । सभापतिसहित ८५ पदका लागि मतदान भएको छ । उपसभापतिसहित अन्य पदको मतदान अब शुरू हुने मतदान अधिकृत डा. रुद्र शर्माले जनाएका छन ।