काठमाडौँ । सुडानको डार्फर क्षेत्रमा बन्दुकधारीको आक्रमणमा परी १७ नागरिक मारिएका छन् । सरकारी अधिकारीले शुक्रबार दिएको जानकारीअनुसार विद्रोही समूहसँग भएको झडपका क्रममा यसै हप्ता मात्रै दर्जनभन्दा बढीको मृत्यु भएको छ ।

हतियारधारी समूहले डार्फर राज्यको पहाडी क्षेत्र जेबेल मुनमा आक्रमण गरेको अधिकारीले जानकारी दिएका छन् । घटना स्थल चादसँगको सीमा क्षेत्रमा पर्दछ ।

बिहीबार भएको घटनामा परी अरु केही घाइते भएको र उनीको विभिन्न अस्पतालमा उपचार भइरहेको जनाइएको छ । आक्रमणकारीले आगजानी गरेर चार गाउँ पूरै जलेको स्थानीय बासिन्दाले जानकारी दिएका छन् ।

‘लडाकूले जेबेल मुनका गाउँमा आक्रमण गरेका र आगजनी गरेका छन्, घरहरु जलेपछि दर्जनौ मानिस विस्थापित भएका छन्,’ स्थानीय एक नेताले भने ।