काठमाडौँ । जनता समाजवादी पार्टी (जसपा)को संघीय परिषद्को बैठक सुरु भएको छ । पार्टीका परिषद् अध्यक्ष डा. बाबुराम भट्टराईको अध्यक्षतामा बैठक सुरु भएको हो ।

बैठकमा अध्यक्ष भट्टराइले २३ पृष्ठ लामो राजनीति प्रतिवेदन प्रस्तुत गरेका छन् । प्रतिवेदन प्रस्तुत गर्दै उनले यो दस्तावेज पूर्ण नभएको र पूर्ण दस्तावेज महाधिवेशनमा आउने बताएका थिए ।

प्रतिवेदनमा जसपा र अरु पार्टी बीचको अन्तर र जसपाको अबको कार्यदिशा के हुनेलगायतका विषय समेटिएको छ । परिषद्को बैठक आज एक दिन मात्र चल्ने छ ।