काठमाडौं ।त्रिभुवन आर्मी क्लबले पाँचौँ संस्करणको नेपाल आइस झापा गोल्डकपको उपाधि जितेको छ । सोमबार भएको फाइनल खेलमा घरेलु टोली झापा–११ लाई २–१ गोलले पराजित गर्दै आर्मीले उपाधि हात पारेको हो ।

आर्मीलाई उपाधि जिताउन टेकबहादुर बुढाथोकी र जर्जप्रिन्स कार्कीले गोल गरेसँगै जीतको झापा गोल्ड कपको नगद १२ लाख ५५ हजार रुपयाँ प्राप्त गरेको छ ।

उपविजेता भएको झापाले नगद ६ लाख पाँच हजार रुपैयाँमा पाएको छ । आर्मीले योसँगै चौथोपटक झापा गोल्डकपको उपाधि हात पारेको हो ।