काठमाडौँ । बाजुरा सदरमुकाम मार्तडीमा होली खेल्दै गर्दा खुकुरी प्रहार भएको छ । खुकुरी प्रहारबाट एक जना घाइते भएका छन् ।

घाइते हुनेमा बडिमालिका नगरपालिका ८ का अन्दाजी २३ वर्षीय भरत थापा रहेको प्रहरीले जनाएको छ । घाइतेको थापाको हातमा चोट लागेको छ । उनको जिल्ला अस्पताल बाजुरामा उपचार भइरहेको छ ।

सदरमुकाम मार्तडीको बीच बजारमा थापामाथि खुकुरी प्रहार भएको हो । खुकुरी प्रहार गर्ने पहिचान खुलेको छैन ।