काठमाडौं । पीएनजीविरूद्धको पहिलो एकदिवसीय अन्तर्राष्ट्रिय क्रिकेटमा नेपालले पहिला बलिङ गर्ने भएको छ । युवा ब्याट्सम्यान देव खनालले नेपाली राष्ट्रिय क्रिकेट टिममा डेब्यू गरेका छन्।

शुक्रबार पपुवा न्युगिनीविरूद्धको पहिलो एकदिवसीय खेलमा प्लेइङ ११ मा स्थान बनाएसँगै देवले राष्ट्रिय टिममा डेब्यू गरेका हुन्। त्रिवि मैदान कीर्तिपुरमा सुरू खेलमा नेपालले पहिले बलिङ गर्दैछ। देव खनाल नेपालको यू-१९ राष्ट्रिय टिममा कप्तान हुन्।

नेपाली टिम
सन्दीप लामिछाने (कप्तान), दीपेन्द्रसिंह ऐरी, देव खनाल, कुशल भुर्तेल, कमलसिंह ऐरी, सोमपाल कामी, रोहितकुमार पौडेल, पवन सर्राफ, आरिफ शेख, भीम सार्की र अनिलकुमार शाह ।