काठमाडौँ । प्रधानमन्त्री शेरबहादुर देउवाले भारतीय समकक्षी नरेन्द्र मोदीसँग सीमा समस्याबारे छलफल गरेको बताएका छन् ।

तीन दिने भारत भ्रमणमा रहेका प्रधानमन्त्री देउवा र मोदीबीच हैदराबाद हाउसमा शनिबार ‘वान टु वान’ भेटवार्ता भएको थियो । लगत्तै प्रतिनिधि मण्डल स्तरमा छलफल गरी चार वटा समझदारीमा हस्ताक्षर भएको छ ।

आयोजित संयुक्त पत्रकार सम्मेलनलाई सम्बोधन गर्दै देउवाले भने, ‘हामीले सीमा समस्याबारे छलफल गरेका छौँ, मैले यसलाई द्विपक्षीय संयन्त्रमार्फत समाधान गर्न प्रस्ताव गरेको छु ।’