महोत्तरी । आसन्न स्थानीय तहको निर्वाचनका लागि महोत्तरीमा २४ सय ७६ जना म्यादी प्रहरी छनोट गरिएको छ । आठ हजार ५५ जनाले दिएको आवेदनमध्ये २४ सय ७६ जनालाई छनोट गरिएको जिल्ला प्रहरी कार्यालय महोत्तरीले जनाएको छ ।

कूल आवेदनमध्य आठ सय जना महिला र बाँकी पुरुषले आवेदन दिएका थिए । आठ सय जना महिलाहरूको आवेदनमा ४९८ जना महिलालाई छनोट गरिएको जिल्ला प्रहरी कार्यालयका सूचना अधिकारी प्रकाश विष्टले जानकारी दिए ।

मापदण्डअनुसार छनोट भएका १९ सय ७८ जना पुरुष र ४९८ जना महिलाहरूलाई भोलिबाट तालिममा सहभागी गराउने जिल्ला प्रहरी कार्यालयले जनाएको छ ।