काठमाडौँ । सशस्त्र प्रहरीका अतिरिक्त महानिरीक्षक (एआईजी)मा राजु अर्याल सिफारिस भएका छन् । आज बसेको बढुवा समितिको बैठकले उनलाई बढुवा गर्ने निर्णय गरेको स्रोतले जनाएको हो ।

उक्त पदका लागि चार जना नायव महानिरीक्षक (डीआईजी)ले दाबी गरेका थिए । पुष्पराम केसीको बढुवासँगै रिक्त भएको सो पदका लागि चार जना डीआईजीले दाबी गर्दै आएका हुन् ।

डीआईजीहरु राजु अर्याल, नारायण दत्त पौडेल, सिपी गौतम र बंसिराज दाहाल एआईजी बन्नका लागि दाबी गरे पनि अर्याल सिफारिस भएका हुन् ।

गत साल चैत ३० गते सशस्त्रका नवनियुक्त महानिरीक्षक पुष्पराम केसीले रिक्त रहेको एआईजी बढुवाका लागि तीनदिने सूचना निकालेका थियो ।

महानिरीक्षकले जारी गरेको सूचनामा शैक्षिक योग्यतासहित बढुवा प्रयोजनका लागि आवश्यक कागजपत्रको माग गरेको थियो । सोही मागअनुरुप चार जना डीआईजीले एआईजी बन्ने दाबीसहित कागजपत्र बुझाएका थिए ।