काठमाडौँ । सेयर बजार परिसूचक नेप्सेमा आज उच्च अंकले वृद्धि भएको छ । निरन्तर ओरालो लागिरहेको नेप्सेमा आइतबार एकैदिन ९५ अंकले सुधार भएको हो ।

नेपाल स्टक एक्सचेञ्जका अनुसार आज नेप्से सूचक अधिकतम ९५.४६ अंकले बढ्दै २४ सय २०.९१ अंकमा उकालो लागेको हो । यो गत हप्ताको सूचकको तुलनामा ४.११ प्रतिशतको वृद्धि हो ।

आज १३ वटा उपसूचकमध्ये सबैभन्दा बढी हाइड्रोपावर समूहको ७.३२ अंकले बढेको छ । सबैभन्दा कम ट्रेडिङ समूहको १.०५ प्रतिशतले मात्र बढेको छ ।

आज कारोबार रकमसमेत वृद्धि हुँदै दुई अर्ब ५३ करोड १२ लाख रुपैयाँ बराबरको कारोबार भएको छ ।