काठमाडौँ । सशस्त्र प्रहरी बल (एपीएफ)ले अतिरिक्त महानिरीक्षकको (एआईजी) बढुवाका लागि आवेदन माग गरेसँगै ३२ वर्षीय सेवा अवधि लम्बाउने ‘च्याप्टर क्लोज’ भएको छ ।

शुक्रबार सशस्त्र प्रहरी बलका महानिरीक्षक (आईजीपी) पुष्पराम केसीले वैशाख १९ गतेपछि रिक्त हुने दुई एआईजी पदमा बढुवाका लागि सूचना जारी गरेका छन् । योसँगै आईजीपीको ३२ वर्षीय सेवा अवधि बनाउने ‘च्याप्टर क्लोज’ भएको हो ।

केसी आईजीपी भएपछि सशस्त्र प्रहरी बल नेपालको नियमावली २०७२ सच्याएर सेवा अवधि बढाउने चलखेल शुरु भएको थियो । उनले नियमावली ६५ को १ को ‘क’लाई सच्याएर दुई वर्ष थप्ने खेल शुरु गरेका थिए ।

सशस्त्र प्रहरी बलमा २१ दिनका लागि आईजीपी भएका उनले त्यसका लागि पहल गरिरहेका थिए । तर, चौतर्फी विरोध हुने देखिएपछि उनी आफ्नो योजनाबाट पछि हटेका हुन ।

एमालेका उपमहासचिव विष्णु रिमाल नजिक रहेका उनी पछिल्लो केही दिनदेखि नुवाकोटका कांग्रेस नेताहरूको साथमा ३२ वर्षे सेवा अवधिका लागि चलखेल गरेका थिए ।

यो पनि पढ्नुहोस्

सशस्त्रमा सेवा अवधि ३२ वर्षे बनाउने चलखेल !

सशस्त्रको सेवा अवधि नबढ्ने संकेत : गृहमन्त्री खाँणलाई ढाँटे कर्णालीका डीआईजीले