काठमाडौं । अखिल नेपाल फुटबल संघ (एन्फा) को आज दिउँसो आपतकालीन बैठक बस्ने भएको छ। दिउँसो २ बजे केन्द्रीय कार्यसमितिको आपतकालीन बैठक बोलाइएको हो ।

यसअघि नै एन्फाका तीन उपाध्यक्षसहित र एक केन्द्रीय सदस्य गरी चार जनाले खेलाडी(प्रशिक्षकको विवाद संवेदनशील भएकाले बैठक बसेर निर्णय गर्नुपर्ने माग गरेका थिए। तर एक सातासम्म पनि एन्फाले केन्द्रीय समिति बैठक बोलाएको थिए ।
बैठकमा राष्ट्रिय फुटबल टिमका प्रशिक्षक अब्दुल्लाह अलमुताइरी र सिनियर खेलाडीबीचको विवादको विषयमा छलफल हुने एक सदस्यले बताए । खेलाडीहरूले यसविषयमा छानविन गर्नु भन्दै एन्फासहित राष्ट्रिय खेलकुद परिषद्का सदस्यसचिव र खेलकुद मन्त्रीलाई भेटेर ज्ञापन पत्र बुझाएका थिए।