काठमाडौँ । प्रधानमन्त्री शेरबहादुर देउवाले सुदूरपश्चिममा सबैभन्दा धेरै बजेट छुट्याउने बताएका छन् । आफ्नो घर डडेल्धुरा भएको बताउँदै उक्त प्रदेशमा सबैभन्दा बढी बजेट दिने देउवाले घोषणा गरेका हुन् ।

सोमबार कैलालीको धनगढीमा आयोजित गठबन्धनको चुनावी सभालाई सम्बोधन गर्दै देउवाले भने, ‘अहिले गठबन्धनको सरकार छ, फेरि पनि गठबन्धनको नै सरकार रहन्छ, गठबन्धनको सरकारले पहिलो प्राथमिकता सुदूरपश्चिमलाई दिन्छ, सबैभन्दा बढी बजेट सुदूरपश्चिममै दिने विश्वास दिलाउँछु ।’

प्रधानमन्त्री देउवाले सुदूरपश्चिममा आफूले धेरै ठाउँमा काम गरेको बताउँदै बाँकी काम पूरा गर्ने बेला आएको बताए । सभालाई सम्बोधन गर्दै घर–घरमा पक्की बाटो र बिजुली पुर्याउने देउवाले बताए ।