काठमाडौँ । आगामी जेठ १ गतेदेखि हप्तामा दुई दिन बिदा दिने सरकारको निर्णय लागु हुने भएको छ । सरकारले हप्तामा शनिबार र आइतबार सार्वजनिक बिदा दिने निर्णय गरेसँगै लागु हुने भएको हो ।

दुई दिन सार्वजनिक बिदा हुने भएसँगै सोमबारदेखि शुक्रबारसम्म बिहान ९ः३० देखि अपरान्ह ५ः३० बजेसम्म कार्यालय सञ्चालन हुने भएको छ ।

गृह मन्त्रालयले जारी गरेको पत्रअनुसार दशैँ र तिहारबाहेक अन्य अवस्थामा लगातार दुई दिनभन्दा बढी सार्वजनिक बिदा भए सट्टा बिदा दिने गरी कार्यालयमा उपस्थित हुन र सोहीअनुसार व्यवस्थापन गर्न आग्रह गरेको छ ।