काठमाडौँ । सरकारले गौतम बुद्ध अन्तर्राष्ट्रिय क्रिकेट रंगशाला निर्माणको बाँकी काम गर्ने भएको छ ।

कलाकारहरू सीताराम कट्टेल ‘धुर्मुस’ र कुञ्जना घिमिरे ‘सुन्तली’ आबद्ध ‘धुर्मुस–सुन्तली फाउन्डेसन’ले आर्थिक अभाव भन्दै निर्माण अलपत्र पारेको रंगशालाको निर्माण कार्य टुङ्गोमा पुर्‍याउने नीति लिएको हो ।

रंगशाला निर्माण सम्पन्न गर्न चितवनको भरतपुर महानगरले पनि सहयोग गर्ने प्रतिबद्धता जनाएको बेला संघीय सरकारले निर्माणको बाँकी काम पूरा गर्ने नीति लिएको हो ।

सरकारले प्रत्येक प्रदेशमा प्रशिक्षण सुविधासहितको अन्तर्राष्ट्रिय स्तरको रंगशाला निर्माण गर्दै जाने नीति पनि लिएको छ ।

गैंडाकोटमा वीपी कोइराला अन्तर्राष्ट्रिय खेल ग्राम निर्माण गरिने एको छ । सबै स्थानीय तहमा खेल ग्राम निर्माण गरिँदै लाने सरकारले नीति लिएको राष्ट्रपति विद्यादेवी भण्डारीले आर्थिक वर्ष २०७९–८० को वार्षिक नीति तथा कार्यक्रम प्रस्तुत गर्ने क्रममा बताएकी छन् ।