काठमाडौं । सम्पर्कविहीन भएको तारा एयरको जहाजमा १३ नेपालीसहित १९ यात्रु रहेका छन् । पोखराबाट जोमसोम उडेको जहाज आज बिहानदेखि सम्पर्कविहीन बनेको हो ।

खोजी कार्य भइरहेको सम्पर्कविहीन जहाजमा ४ जना भारतीय र दुई जना अन्य देशमा नागरिक रहेको यति एयरलाइन्सले जनाएको छ ।

क्याप्टेन प्रभाकर घिमिरेले उडान भरेको तारा एयरको ९ एन एइटी जहाज बिहान ९ बजेर ५५ मिनेटमा जोमसोमका लागि उडेको थियो ।

अहिले हेलिकोप्टर पठाउने तयारी भइरहेको छ । एउटा हेलिकोप्टर जोमसोममै भए पनि मौसम खराबीका कारण उड्न नसकेको बताइएको छ ।

अहिले यो रुटमा बादल लागिरहेको बताइएको छ । यसअघि बिहान समिट एयरको २ जहाज जोमसोम पुगिसकेको थियो ।