काठमाडौं । दुई घण्टादेखि सम्पर्कविहीन अवस्थामा रहेको तारा एयरको जहाजका पाईलट प्रभाकर घिमिरेको मोबाईलमा फोनको घण्टी गईरहेको उनको पारिवारीक श्रोतले जनाएको छ ।

पाइलट घिमिरेका परिवारीक श्रोतले मेरोन्यूजलाई भन्यो, ‘उहाँको मोबाईलमा फोन गईरहेको छ, तर उठेकै छैन ।’ मुस्ता’का प्रमुख जिल्ला अधिकारी नेत्रप्रसाद शर्माले समेत पाईलट घिमिरेको मोबाईल ट्रयाक गरेर खोजी भईरहेको जनाएका छन् ।

प्रजिअ शर्माकाअनुसार धौलागिरि हिमाल रेन्ज आसपासका क्षेत्रमा खोजी कार्य जारी राखिएको छ । पोखराबाट जोमसोमका लागि उडेको तारा एयरको जहाज आइतबार बिहानदेखि सम्पर्कविहीन छ।

तारा एयरको ९ एन एइटी जहाज मुस्ताङको आकाशमा पुगिसकेपछि १० बजेर ७ मिनेटमा अन्तिम पटक जोमसोम विमानस्थलको टावरसँग सम्पर्कमा आएको थियो ।

तारा एयरको पोखराबाट जोमसोम उडेर सम्पर्कविहीन भएको नाइन एनएइटी जहाज बिहान १०ः७ बजेसम्म शिख नजिकको आकाशमा रहँदासम्म सम्पर्कमा रहेको देखिन्छ । सम्पर्कविहीन भएको जहाजमा चालक दलका ३ जना सदस्य, १३ नेपाली, ४ भारतीय र दुई जर्मन नागरिक गरी १९ जना सवार छन् ।

यसैबीच, नेपाल नागरिक उड्ययन प्राधिकरणले तारा एयरको जहाज अहिलेसम्म बेपत्तै रहेको उल्लेख गरेको छ । प्राधिकरणले दुर्घटनाको पुष्टि गरेको छैन ।