काठमाडौँ । प्रधानमन्त्री शेरबहादुर देउवाले तारा एयरको विमान दुर्घटनामा मृत्यु भएकाहरूप्रति श्रद्धाञ्जली व्यक्त गरेका छन् ।

आइतबार बिहान सम्पर्कविहीन भएको तारा एयर विमान आज बिहान दुर्घटनाग्रस्त अवस्थामा फेला परेको हो । घटनामा जहाजमा सवार २२ जनाको शव फेला परिसकेको छ ।

‘यात्रुवाहक जहाज दुर्घटनाग्रस्त हुँदा विमानमा सवार सबैको निधन भएको खबरले निकै दुःखी भएको छु,’ प्रधानमन्त्री देउवाले भने, ‘यस अकल्पनीय दुर्घटनामा जीवन गुमाउनु हुने विमान चालक दलका सदस्य र यात्रुहरूप्रति हार्दिक श्रद्धाञ्जली र शोक सन्तप्त परिवारजनमा समवेदना व्यक्त गर्दछु ।’

पोखराबाट जोमसोमका लागि उडेको तारा एयरको जहाजमा मुस्ताङको थासाङ गाउँपालिका २ मा दुर्घटना भएको थियो ।