काठमाडौँ । बागमती प्रदेश सरकारले आगामी आर्थिक वर्ष २०७९–०८० को नीति तथा कार्यक्रम सार्वजनिक गरेको छ । आज बसेको प्रदेशसभा बैठकमा बागमती प्रदेशका प्रदेश प्रमुख यादव चन्द्र शर्माले नीति तथा कार्यक्रम सदनमा प्रस्तुत गरेका हुन् ।

प्रदेश सरकारले नीति तथा कार्यक्रममा ‘मुख्यमन्त्री जनता स्वास्थ्य कार्यक्रम’अन्तर्गत विपन्न नागरिकलाई क्यान्सर, हृदयाघात, मस्तिष्काघात र अप्स्टेट्रिक फिष्टुलालगायतका रोगको उपचारमा दिइँदै आएको सहुलियत व्यवस्थालाई थप प्रभावकारी बढाउने भएको छ ।

यस्तै, मृगौला विरामीका लागि सञ्चालित निःशुल्क डायलासिस सेवा प्रदेश मातहतका सबै अस्पतालमा विस्तार गर्ने, जनयुद्ध र जनआन्दोलनको घाइतेलाई प्रादेशिक अस्पतालले निःशुल्क उपचारको व्यवस्था गर्ने भएको छ ।