काठमाडौँ । पूर्व–पश्चिम महेन्द्र राजमार्गअन्तर्गत हेटौँडा ३ को तीनताप्केमा खुकुरा बोक्ने बोलेरो गाडी दुर्घटना हुँदा बोलेरोका चालकको मृत्यु भएको छ । आज दिउँसो बस्तिपुरबाट हेटौँडातर्फ आउँदै गरेको ना ५ च ३६२७ नम्बरको बोलेरो गाडी अनियन्त्रित भई दुर्घटना भएको हो ।

घटनामा हेटौंँडा ६ का ३३ वर्षीय गोपाल दाहालको मृत्यु भएको हो । एक दिनअघि सोही ठाउँमा ट्याक्टर दुर्घटना हुँदा चितवनको रत्ननगर ८ का ३१ वर्षीय सन्दिप अर्यालको मृत्यु भएको थियो ।

हेटौंँडाबाट मनहरीतर्फ जाँदै गरेको ना २ च २९५ नम्बरको ट्र्याक्टर अनियन्त्रित भई खोल्सामा पल्टिँदा चालक अर्यालको घटनास्थलमा मृत्यु भएको प्रहरीले जनाएको छ ।