काठमाडौं । आगामी प्रतिनिधिसभा र प्रदेशसभा निर्वाचनमा लोकतान्त्रिक समाजवादी पार्टी (लोसपा)ले विचार र मुद्दा मिल्ने राजनीतिक दलसँग तालमेल गर्ने निर्णय गरेको छ ।

आज बसेको लोसपाको कार्यकारिणी समितिको बैठले आगामी प्रतिनिधिसभा र प्रदेशसभा निर्वाचनमा तालमेल गरेर अघि बढ्ने निर्णय गरेको हो । ‘विचार र मुद्दा मिल्नेहरुसँग तालमेल गरेर अघि बढ्न पार्टी खुला भएको छ,’ कार्यकारिणी सदस्य केशव झाले भने ।

बैठकमा अध्यक्ष महन्थ ठाकुरले प्रधानमन्त्री शेरबहादुर देउवासँग भएको भेटवार्ताबारे जानकारी गराएका थिए । आफूको माग र मुद्दा सम्बोधन गर्न सरकारसँग तयार रहेको उनले बताए ।

गठबन्धन सरकारसँग लोसपाले नागरिकता विधेयकलगायतका विषयमा आफ्ना माग राख्दै आएको छ ।