काठमाडौं । प्रधानमन्त्री शेरबहादुर देउवालाई लोकतान्त्रिक समाजवादी पार्टी (लाृसपा) का अध्यक्ष महन्थ ठाकुर सहितको टोलीले एक ज्ञापनपत्र बुझाएको छ ।
मंगलबार प्रधानमन्त्री निवास बालुवाटार पुगेर लोसपाका अध्यक्ष, बरिष्ठ नेता राजेन्द महत्तोलगायत टोलीले बिभिन्न माग सहितको ज्ञापनपत्र बुझाएको हो ।
नागरिकता विधेयक संसदबाट पारित गर्नुपर्ने, गिरिसचन्द्र लाल आयोगको प्रतिवेदन सार्वजनिक गर्नुपर्ने लगायतका विषय ज्ञापनपत्रमा उल्लेख छ ।
त्यसैगरी, थारु र मधेश आन्दोलनमा लगाइएको झुटा मुद्धा फिर्ता गर्नुपर्ने, महोत्तरी र कैलालीमा रहेका रेशम चौधरी लगायत राजबन्दीलाई अबिलम्ब रिहा गर्नुपर्ने, महगी र कालो बजारी अबिलम्ब नियन्त्रण गर्नुपर्ने लगायतका लोसपाले १० बुद्धे माग अघि सारेको छ ।