काठमाडौँ । लुम्बिनी प्रदेश सरकारले आगामी वर्षका लागि नीति तथा कार्यक्रम सार्वजनिक गरेको छ । आज बसेको प्रदेशसभा बैठकले आगामी आर्थिक वर्ष २०७९–८० का लागि नीति तथा कार्यक्रम पेश गरेको हो ।

प्रदेश प्रमुख अमिक शेरचनले प्रदेश सरकारको नीति तथा कार्यक्रम पेश गरेका हुन् । प्रदेशसभाको १० औँ अधिवेशनको बैठकमा उनले आगामी नीति तथा कार्यक्रम पेश गरेको नीति तथा कार्यक्रममा कृषि, स्वास्थ्य, शिक्षालाई बढी जोड दिइएको छ ।

प्रदेश सरकारले प्रदेश राजधानी क्षेत्रको दीर्घकालीन विकासमा जोड दिँदै अस्थायी राजधानी रहेको बुटवललाई आर्थिक र कपिलवस्तुलाई सांस्कृतिक राजधानीमा विकास गर्ने परियोजना पेश गरेको छ ।