काठमाडौँ । नेपाल आयल निगमले पेट्रोलियम पदार्थमा अहिलेसम्मकै सबैभन्दा धेरै मूल्य वृद्धी गरेको छ ।

निगमले डिजेल तथा मट्टीतेलमा प्रतिलिटर २७ रुपैयाँ र पेट्रोलमा प्रतिलिटर २१ रुपैयाँले मूल्य वृद्धि गरेको हो ।

योसँगै आजदेखि एक लिटर पेट्रोलको मूल्य १९९ रुपैयाँ पर्ने भएको छ । यस्तै, एक लिटर डिजेल र मट्टीतेलका लागि १९२ रुपैयाँ खर्च गर्नु पर्ने भएको छ ।

निगमले हवाई इन्धनमा समेत मूल्य वृद्धि गरेको छ । जसमा आन्तरिकतर्फ १९ रुपैयाँले वृद्धि गरी १८५ रुपैयाँ प्रतिलिटर र बाह्यतर्फ १०० अमेरिकी डलरले मूल्यवृद्धि गरिएको हो ।

खाना पकाउने ग्याँसको मूल्य भने यथावत राखिएको छ । यसअघि खाना पकाउने ग्यासको मूल्य एकैपटक दुई सय रुपैयाँ वृद्धि गरेको थियो ।

बढेको मूल्य आजदेखि लागु हुने निगमले जनाएको छ ।