काठमाडौं । भन्नलाई त खेलाडीहरु राष्ट्रका गहनाहरु हुन् भनिन्छ । तर त्यही खेलाडीलाई दुख, बिमारी हुँदा भने राष्ट्रले चाँसो दिने गरेको छैन । यसको पछिल्लो उदाहरण बनेका छन् फुटबल खेलाडी खडक साउँद । सुदुरपश्चिम प्रदेशको फुटबल टिमको कप्तानकै रुपमा आफ्नो योगदान राष्ट्रलाई दिइसकेका साउँद अहिले कलेजो रोग जस्तो गम्भिर रोगसँग लडिरेहका छन् । रोगसँगमात्रै होईन साउँदले अहिले उपचारको क्रममा आर्थिक समस्यासँग पनि लड्न परिरहेको छ ।

कैलाली जिल्लाको टिकापुर नगरपालिका वडा नं १ घर भएका साउदलाई विगत ७ वर्षदेखि कलेजोको समस्या रहेको थियो । पछिल्लो समय समस्या जटिल बन्दै गएपछि शिक्षण अस्पताल महाराजगञ्ज हप्तादिन लामो भर्ना भए । अब चिकित्सले छिट्टो कलेजो प्रत्यारोपण गर्नुपर्छ भनेको साउँद बताउँछन् । साउदले मेरोन्यूजसँग भने, ‘प्रत्यारोपण गर्नको लागि ३० देखि ४० लाख लाग्ने रहेछ, तर त्यती धेरै रकम मसँग छैन । आर्थिक सहयोगको आशामा बिभन्न सरकारी निकायमा समेत पुगे । अहिलेसम्म कतैबाट केही पाएको छैन ।’

आर्थिक अभावका कारण साउँदले उपचार गर्न नपाएपछि पछिल्लो समय उनको उपचारका लागि साथिभाई र आफन्तहरुले केही रकम उठाउने जमर्को गरीरहेका छन् । उनको श्रीमती सुनिता चपाई साउदको नाममा रहेको ग्लोबलब आइएमी बंक नेपालगञ्ज शाखामा रहेको खाता नंबर ६२०७०१०००२३८६ मार्फत उनलाई सहयोग गर्न सकिने परिवारले जनाएको छ । परिवारले केही आफ्नो रकम र बाँकी सबै शुुभेच्छुक, मनकारीको सहयोगमा साउँदको कलेजो प्रत्यारोपण गर्न सकिने आशामा रहेको छ ।