काठमाडौँ । शुक्लाफाँटा नगरपालिका १० झलारीका १३ वर्षीय रघुवीर जोशी खोलामा नुहाउने क्रममा बगेर बेपत्ता भएका छन् । स्थानीय टोटी खोलामा नुहाउने क्रममा बालक बुधबार साँझ बेपत्ता भएका हुन् ।

झलारी इलाका प्रहरी कार्यालयका प्रहरी निरीक्षक ज्ञानेन्द्र सिंहका अनुसार खोलाको किनारामा कपडा र चप्पल फेला परे पनि बालकको अवस्था अहिलेसम्म पत्ता लाग्न सकेको छैन ।

‘खोलाको किनारामा बालकको कपडा र चप्पल फेला परेको छ,’ उनले भने, ‘गोताखोर टोलीले बाढी आएको खोलामा खोजतलास गरे अझैसम्म बालकलाई भेटाउन सकेको छैन ।’

खोजी कार्य आज जारी रहेको प्रहरी निरीक्षक सिंहले बताए ।