मंगलबार, माघ २७, २०८२

जनकपुरमा बन्द गराउँदै हिँडेका १०० बढी सुकुमबासी पक्राउ

मेरोन्यूज २०७९ असार ३० गते १२:०८

जनकपुरधाम । विभिन्न माग राखेर जनकपुर बन्दको घोषणागरी आन्दोलनमा उत्रिएका १ सय वढी सुकुम्बासी पक्राउ परेका छन् । चुरे तथा वन जंगल बचाउ अभियन्ता र सुकुमबासीलाई पक्राउ गरिएको प्रहरीको भनाई छ ।

जनकपुर बजार बन्द गराउँदै हिडेपछि उनीहरुलाई पक्राउ गर्नुपरेको प्रहरीले बताएको छ । सुकुमबासीका नाममा अर्कै व्यक्तिले चुरे तथा वन, जंगलको अतिक्रमण गरिरहादा पनि सरकारले ध्यान नदिएको, सुकुमबासीलाई जग्गा नदिएको भन्दै यसअघि आन्दोलन गर्दै आएका उनीहरूले आज जनकपुरधाम बन्दको घोषणा गरेका थिए ।

जिल्ला प्रहरी कार्यालय धनुषाका प्रबक्ता एवं डीएसपी जितेन्द्र कुमार बस्नेतका अनुसार ९४ जना महिला र ९ जना पुरुषलाई नियन्त्रणमा लिइएको छ । उनीहरुलाई जिल्ला प्रहरी कार्यालयमा राखिएको छ ।

प्रतिक्रिया