सप्तरी । सप्तरी रुपनी गाउँपालिका ६ वीरेन्द्र बजारमा बुधबार दुर्घटना हुँदा एक जनाको मृत्यु भएको छ । यसरी मृत्यु हुनेमा सोही ठाउँका पैदल यात्री ५५ वर्षीय दिपनारायण मेहता रहेका छन् ।

पूर्व–पश्चिम राजमार्गमा पश्विमबाट पूर्वतर्फ आउँदै गरेको स ४ प १३३४ नं. को मोटरसाइकलले ठक्कर दिएपछि ठक्करबाट गम्भीर घाइते भएका मेहतालाई उपचारका लागि गजेन्द्र नारायण सिंह अस्पताल राजविराज ल्याएपछि मृत्यु भएको जिल्ला प्रहरी कार्यालय सप्तरीका प्रवक्ता माधव प्रसाद काफ्लेले जानकारी दिएका छन्।

चालक र मोटरसाइकललाई प्रहरीले नियन्त्रणमा लिएर अनुसन्धान गरिरहेको छ ।