काठमाडौँ । सत्ता गठबन्धन दल नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ले अमेरिकाको स्टेट पार्टनरसिप कार्यक्रम (एसपीपी) अस्वीकार गरेको पत्र पठाएको बताएका छन् । उनले आज मात्रै औपचारिक रुपमा एसपीपीमा सहभागी नहुने पत्र अमेरिकालाई पठाएको बताएका हुन् ।

अध्यक्ष प्रचण्डले अमेरिकी साहायक विदेश मन्त्री डोनाल्ड लु तीन दिने नेपाल भ्रमणमा आएको बेलामा नै एसपीपीमा सहभागी नहुने भन्दै पत्र पठाएको बताए ।

परराष्ट्र मन्त्री डा. नारायण खड्काले आजै मात्र एसपीपीमा नेपाल सहभागी नहुने भन्दै अमेरिकालाई लिखित जानकारी गराइसकेको बताएका थिए । आज बसेको बसेको प्रतिनिधिसभा बैठकमा बोल्दै उनले गत ६ असारको मन्त्रिपरिषद् बैठकको निर्णयअनुसार साउन ९ गते एसपीपीमा सहभागी नहुने भन्दै अमेरिकालाई पत्र पठाएको बताएका हुन् ।