काठमाडौं । नेकपा (माओवादी केन्द्र)का अध्यक्ष पुष्पकमल दाहाल प्रचण्डले जापानका पूर्व प्रधानमन्त्री सिन्जो आबेसँग जापानमै आफुले भेट गर्ने इच्छा राखेपनि पूरा हुन नपाएको बताएका छन् ।

उनले आबेसँग आफनो दुई पटक भेटवार्ता भएको स्मरण गँदै उनको हत्यापछि आफुलाई निक्कै दुःख लागेको बताएका थिए । जापान पुगेका प्रचण्डले विमानस्थलमै नेपालीहरुसँग छोटो कुराकानी गदैं प्रचण्डले त्यस्तो बताएका हुन् ।

जापानका पूर्व प्रधानमन्त्री आबेको गत असारमा हत्या भएको थियो । ‘उहाँलाई भेटेर नेपाल र जापानको सम्बन्धलाई अर्को हाइटमा कसरी लाने भन्ने मेरो इच्छा थियो । त्यो चाहिं पूरा भएन । बडो दुर्भाग्यपूर्ण घटना भयो । जापानका लागि त यो विरलै हुने घटना हो,’ प्रचण्डले भने ।

उनले आवेकै घरमा पुगेर परिवारजनमा समवेदना ब्यक्त गर्न जाने मन भएपनि अहिले त्यो सम्भव नहुने तर अन्य जापानका राजनीतिक दलका नेताहरुसँग भने भेटवार्ता र छलफल हुने वताए ।

‘राजनीतिक दलका नेताहरुसँग केही न केही छलफल हुन्छ,’ प्रचण्डले भने । राष्ट्रिय सभाका अध्यक्ष र आफनो जापान भ्रमणले दुई देशका वीचमा सौहाद्र्रपूर्ण बाताबरण बनाउँदै लैजाने विश्वास ब्यक्त गरे । केही दिन अगाडी मात्रै राष्ट्रिय सभा अध्यक्ष गणेश तिमिल्सिनाले पनि जापान भ्रमण गरेका थिए । प्रचण्ड आजै विहान जापान पुगेका हुन् । उनलाई नेपाली राजदुतले स्वागत गरेका थिए ।