सुनसरी । जबरजस्ती करणी मुद्दाका फरार रहेका एक व्यक्ति १८ वर्षपछि पक्राउ परेका छन् । बराहक्षेत्र नगरपालिका ५ का सुरज विश्वकर्मालाई १८ वर्षपछि प्रहरीले पक्राउ गरेको हो ।

प्रहरीका अनुसार १४ वर्षीया किशोरीलाई आफ्नै घरमा ४-५ जनाको समूहमा आएका सुरजसमेतका व्यक्तिहरूले ती किशीरीलाई सामूहिक रूपमा जबरजस्ती करणी गरी फरार भएको थिए ।

सो घटनमा संलग्न भएको भन्दै विश्वकर्मालाई सर्वोच्च अदालतले ९ वर्ष ५ महिना १९ दिन कैद ठहर गरेको थियो ।

लुकिछिपी बसेको अवस्थामा प्रहरीले बराह क्षेत्र ५ भरौलबाट पक्राउ गरेको हो । पक्राउ परेका विश्वकर्मालाई कैद भुक्तानका लागि झुम्का कारागार पठाइएको छ ।