काठमाडौँ । काठमाडौँ महानगरले अवैध संरचना भत्काउन कामलाई निरन्तरता दिँदै ठूला करदातालाई निसाना बनाउन थालेको छ । केही दिनअघि मात्रै काठमाडौँ ‘फन पार्क’बाट कर असुली गरेको महानगरले संस्थालाई कर तिर्न निर्देशन दिएको छ ।

महानगरले खाद्य संस्थान, मनमोहन मेमोरियल कलेज, नेपाल विद्युत प्राधिकरण, कर्मचारी सञ्चय कोष, जामे मस्जिदलगायत १७ ठूला संस्थाहरूलाई १० दिनभित्र सम्पत्ती कर बुझाउन निर्देशन दिएको हो ।

महानगरका राजश्व विभागका प्रमुख डा. शिवराज अधिकारीले सम्पत्ति कर बुझाउन पटकपटक ताकेता भए पनि नबुझाएको भन्दै पत्र काट्नु परेको बताएका छन् ।