काठमाडौँ । नेपालीहरुको महान चाड बिजया दशमीलाई लक्षित गरी स्मार्टचोइस टेक्नोलोजिज लिमिटेड (एससिटी)ले दमदार दसैँ धमाका थ्री डी अफर सार्वजनिक गरेको छ ।

अफर अन्तर्गत एससिटी–यूपीआई डेबिट कार्ड प्रयोगकर्ताले कुनै पनि खरिदमा पोसमार्फत विद्युतीय कारोबार गर्दा ३३.३३ प्रतिशतसम्म क्यास्ब्याक प्राप्त गर्न सकिने छ ।

हालसम्म एससिटी यूपीआई डेबिट कार्ड नलिएका ग्राहकले कार्ड जारी गर्ने कुनै बैंक तथा वित्तीय संस्थामा गई प्राप्त गर्न सक्ने छन् । साथै एससिटी–यूपीआई डेबिट कार्डमार्फत एटीएममा क्यास कारोबार गर्दै आउनु भएका ग्राहकहरुले पनि यो अफर मार्फत १२ सय रुपैयाँसम्म क्यास्ब्याक प्राप्त गर्न सक्ने छन ।

१५ सय रुपैयाँ बराबरको पोस कारोबारमा ५०० र रू. तीन हजारको कारोबारमा एक हजार क्यास्ब्याक प्राप्त गर्न सकिने यो अफरमार्फत सबै एससिटी–यूपीआई डेबिट कार्ड प्रयोगकर्ताहरुले ३३।३३ प्रतिशतसम्मको क्यास्ब्याक प्राप्त गर्न सक्नेछन ।