काठमाडौँ । नेकपा एमालेले समानुपातिकतर्फका उम्मेदवारहरूको बन्द सूचीमा पदाधिकारीबाट कोही पनि परेका छैनन । यसपटक एमालले तय गरेको मापदण्डका कारण पदाधिकारीबाट कोही पनि नपरेको स्रोतको दावी छ ।

एमाले स्थायी कमिटीबाट एक जना रघुजी पन्तलाई सिफारिस गरेको अन्यमा पोलिटव्यूरो र केन्द्रीय सदस्यहरुबाट सिफारिस गरेको स्रोतले जनाएको छ । एमालेको केन्द्रीय पदाधिकारी तथा समानुपातिक सूचीबाट यसअघि सांसद भइसकेका नेताबाहेक सबैलाई नेताहरूलाई समानुपातिक उम्मेदवार बनाएको छ ।

जसमा स्थायी कमिटी सदस्य रघुजी पन्त, गोरखबहादुर बोगटी, लिलबहादुर थापा, ईश्वरी रिजाल विश्वकर्मासहितका नेताहरू समानुपातिकको बन्द सूचीमा परेको स्रोतले जनाएको ।महिलातर्फ नैनकला थापा, उमा कोइराला, सुनिता बराल, क्रान्ति बुर्लाकोटी, भक्तकुमारी लामा, मेनुका पछाईसहितका नेतृहरू रहेको एक सदस्यले बताए । त्यस्तै बाग्लुङका थापा माओवादी केन्द्रबाट आएका नेता हुन् ।

रिजाल एमाले केन्द्रीय कार्यालयका पूर्वसचिव हुन् । नैनकला थापा पूर्वसञ्चारमन्त्री हुन् । उनी उपाध्यक्ष रामबहादुर थापाको पत्नी पनि हुन् । यस्तै सिन्धुलीकी कोइराला केन्द्रीय सदस्य हुन् भने सुनिता र मेनुका विद्यार्थी नेतृ हुन् ।

एमालेले यसपटक समानुपातिकबाट सबै नयाँ अनुहारलाई पठाएको स्रोतले जनाएको छ ।