काठमाडौं । एनसेल आजियाटा लिमिटेडले नौलो तथा आकर्षक ‘होम एन्ड अवे डेटा प्याक’ अफर सञ्चालनमा ल्याएको छ । दसैँ, तिहार र छठ पर्वको अवसरमा ल्याइएको प्याकमा ग्राहकले करसहित मात्र पाँच सय ९९ रुपैयाँमा ३० जिबी होम डेटा र ३० जिबी अवे डेटा गरी कुल ६० जिबी डेटा पाउँछन् । यो प्याक एनसेलले बिहीबार (असोज १३) बाट सञ्चालनमा ल्याएको हो । ग्राहकले सजिलै एस्ट्रिक्स १७१२३एस्ट्रिक्स ३० ह्यास डायल गरेर यो प्याक किन्न सक्छन् । यसैगरी, एनसेल एप र एनसेलको वेबसाइटमार्फत पनि यो प्याक लिन सकिन्छ ।

प्याकमा पाइने कुल ६० जिबी डेटामा ३० जिबीको होम डेटा ग्राहकले घरमा रहँदा प्रयोग गर्न पाउँछन् भने ३० जिबीको अवे डेटा घरबाहिर चलाउन सक्छन् । यो प्याकअन्तर्गत डेटा चलाउनका लागि ग्राहकले जुन स्थानमा रही यो प्याक सुचारु गर्छ, त्यही स्थानलाई होम लोकेसन मानिन्छ र अन्य स्थानलाई अवे लोकेसन मानिन्छ । ग्राहकले आफ्नो आवश्यकताअनुसार आफ्नो होम प्याकको स्थान परिवर्तन पनि गर्न सक्छन् र प्याकमा रहेको डेटाबाट फाइदा लिन सक्छन् । यो प्याक सुचारु भएपछि २८ दिनका लागि मान्य रहन्छ ।

यो डेटा प्याकको विशेषता भनेको प्याकमा रहेको डेटा भोलुम खपत भइसकेपछि प्याकको समयावधि रहेसम्म पेएजयुगो ९पेजी० दर लागू हुँदैन । होम एन्ड अवे डेटा प्याकमा रहेको डेटा सकिएमा ग्राहकले कुनै पनि अन्य डेटा प्याक खरिद गरी डेटा चलाउन सक्छन् ।
डेटा सेवालाई अझै सुलभ बनाउँदै आफ्ना ग्राहकका लागि नेपालमा नै पहिलोपटक यस्तो नौलो तथा आकर्षक प्याक ल्याउन पाएकामा हर्षित रहेको एनसेलले जनाएको छ । चाडपर्वका अवसरमा ल्याइएको यस प्याकले ग्राहकलाई घर होस् या बाहिर, देशको जुनसुकै स्थानमा रही शुभकामना आदान–प्रदान गर्न, चाडबाडको उत्साह तथा उमंगहरू साट्न र आफ्ना प्रियजन तथा साथीभाइसँग सहजै सम्पर्क रहिरहन मद्दत गर्छ ।