काठमाडौँ । टीभीएस मोटर कम्पनीले नयाँ टीभीएस एनटर्क १२५ रेस एक्सपी नेपाली बजारमा सार्वजनिक गरेको छ । यो नयाँ मोडलमा टीभीएस स्मार्टक्सनिष्ट कनेक्टिभिटि प्ल्याटफर्म, राइड मोड छान्ने सुविधासहित हलुका रहेको कम्पनीले जनाएको छ ।

योभन्दा अगाडि कनेक्टेड मोबिलिटीको क्षेत्रमा आफ्नै छुट्टै स्थान बनाइसकेको टीभीएसले स्कुटर उद्योगमै सबैभन्दा पहिला नयाँ भोइस–असिस्ट फिचर युक्त स्मार्टक्सनिष्ट कनेक्टिभिटी प्ल्याट्फर्मसहितको लञ्चसँगै आफ्नो छुट्टै पहिचान बनाएको छ ।

यसमा मोड चेञ्ज, नाभिगेसन, कन्सोल ब्राइट्नेस अड्जस्टमेन्ट र डीएनडीलगायत थुप्रै कनेक्टिभिटी फसनहरु समावेश गरिएको छ । १२५ सीसी सेग्मेण्टमा १० पीएसभन्दा धेरै पावर हुने यो नेपालकै एक मात्र स्कुटर हो । पहिलाको भन्दा सुधारिएको ग्यास फ्लो डाइनामिक्स र कम्बुस्चनले यसको पावर डेलिभरी अझै राम्रो बनाएको छ ।

यसमा प्रयोग भएको एड्भान्स्ड इञ्जिनियरिङ्ग पोलिमर र सर्वाधिक बलियो एलोए स्टिलले यसलाई अझ हलुका बनाएको छ । जसले गर्दा यो स्कुटर चलाउन पनि सजिलो छ ।

यस अवसरमा टीभीएस मोटर कम्पनीको इन्टरनेशनल बिजनेसका उपाध्यक्ष राहुल नायकले भने, ‘नेपाल सधैं हाम्रो लागि प्रमुख बजार भएको छ, यसले ग्राहकहरूका लागि हाम्रा प्रस्ताव ल्याउन पाउँदा खुशी लागेको छ ।’

टेक्नोलोजी

यसको नयाँ विशेषता भनेको यसमा भएको ब्लुटुथ इनेबल्ड टीभीएस स्मार्टक्सनिष्ट हो । जसलाई टीभीएस कनेक्ट मोबाइल एपमार्फत कनेक्ट गर्न सकिन्छ । यसमा भएको भोइस असिस्ट फिचरले राइडरको न्याभिगेसन लञ्च गर्ने, मोड चेन्ज गर्ने लगायत १५ छुट्टा छुट्टै भोइस कमाण्डहरु लिन्छ । यसले राइडरले ड्राइभ गर्दै ब्लुटुथ कनेक्टेड डिभाइसमार्फत आवाजकै भरमा विभिन्न सेटिङ्हरु कन्ट्रोल गर्न सक्ने छन् ।

पर्फर्मेन्स

यसमा भएको टिभिएस रेसिङ पेडिग्रीले स्कुटरलाई उच्चतम पर्फर्मेन्स प्रदान गर्छ । साथै यसमा भएको रेस टनेल फुएल इन्जेक्सन इञ्जिन ले ५५०० आरपी टर्क प्रदान गर्दछ । त्यस्तै यसमा एक स्वीचमै रेस मोड अथवा स्ट्रिट मोड छान्न सक्ने सुविधा पनि राइडरले पाउने छन् ।

रेस मोडमा हाइवेमा स्कुटरको स्पिड ९८ किमी प्रतिघण्टा बढाउन मिल्छ । स्ट्रिट मोड शहरको ट्राफिकमा उपयुक्त हुन्छ । स्ट्रिट मोड एक्टिभेट गरेपछि माइलेज बढ्नुका साथै राइडिङ स्मुथ हुन्छ ।

स्टाइल

यो स्कुटरमा अरुको भन्दा भिन्नै र आकर्षक देखिने सिग्नेचर हेड ल्याम्प, एलइडि टेल ल्याम्प राखिएको छ । नामअनुसार यसको कलर थिम र रेस इन्स्पायर्ड ग्राफिक्स् रहेको छ । साथै, स्पोर्टी रेड व्हीलस्ले यो स्कुटरलाई झनै स्टाइलिस देखाएको छ ।
ट्राइ टोन कलर रिमसहित उपलब्ध यो स्कुटरको मूल्य ती ला पाँच हजार ९०० रुपैयाँ रहेको छ ।