काठमाडौँ । पाकिस्तानको निर्वाचन आयोगले शुक्रबार प्रधानमन्त्री इमरान खानलाई पाँच वर्षका लागि अयोग्य ठहर गरेको छ । तोषखाना उपहार प्रकरणमा मुछिएसँगै उनलाई आयोगले पाँच वर्षका लागि अयोग्य ठहर गरेको छ ।

आयोगले इमरानको संसद सदस्यता पनि खारेज गरिएको जनाएको छ । निर्वाचन आयोगको यो निर्णयपछि इमरानले आगामी पाँच वर्षसम्म चुनाव लड्न नपाउने भएका छन् ।

के हो तोषखाना प्रकरण

सत्तारुढ पाकिस्तानी प्रजातान्त्रिक आन्दोलनले तोषखाना गिफ्ट मुद्दालाई निर्वाचन आयोगसमक्ष उठाएको थियो । इमरानले आफ्नो कार्यकालमा विभिन्न देशबाट उपहार पठाएको बताइएको छ ।

उनका वकिलले पनि इमरानले साढे नौ करोड रुपैयाँ बराबरको उपहार बेचेको स्वीकार गरेका थिए । ती उपहारलाई आयकर विवरणमा पनि उल्लेख गरिएको थियो ।

वर्तमान सरकारले इमरानले अरब शासकबाट बहुमूल्य उपहार पाएको बताएको थिए । जुन उनले बेचेका थिए । यसमा अमूल्य घडी, गहना र डिजाइनर झोला थिए । एजेन्सी