काठमाडौँ । नाबालिकलाई बलात्कार गरेको आरोपमा निलम्बित राष्ट्रिय टोलीका कप्तान सन्दीप लामिछानेको चल अचल सम्पत्ति रोक्का गर्न माग गरिएको छ । सोमबार अदालतमा मुद्दा दर्ता गरिएसँगै उनको चल अचल सम्पत्ति रोक्का गर्न माग गरिएको हो ।

काठमाडौं जिल्ला सरकारी वकिलको कार्यालयका अनुसार सन्दीपको एनआईसी एसिया बैंक खाताको रकम रोक्का गर्न माग गरिएको छ । यस्तै, उनको नाममा रहेको जग्गासमेत रोक्का हुने भएको छ ।

जिल्ला सरकारी वकिल कार्यालयका अनुसार सन्दीपको बैंक खातामा जम्मा ६५ हजार २९८ रुपैयाँ रहेको देखिएको छ । उनीविरुद्ध एक १७ वर्षीया किशोरीले बलात्कार आरोप लगाउँदै उजुरी दिएकी थिइन् ।