काठमाडौँ । ग्राहकलाई पूर्ण सुरक्षाको प्रत्याभूती प्रदान गर्ने उद्देश्यले सन् २०१९ मा शुभारम्भ गरेको टाटा प्रोटेक्ट थप सेवा तथा सुविधासहित टाटा मोटर्सको आधिकारिक डिष्ट्रिब्युटर सिप्रदी ट्रेडिङ्ग प्रा.लि.ले ल्याएकोे छ । ०७९ कार्तिक १५ गते एक विशेष कार्यक्रमको आयोजना गरी टाटा प्रोटेक्टअन्तर्गतका थप सेवा तथा सुविधाको शुभारम्भ गरेको हो ।

त्यस अवसरमा सिप्रदीका प्रमूख कार्यकारी अधिकृत राजन बाबु श्रेष्ठले नेपालमा टाटा गाडी बिक्री गर्नुको अतिरिक्त प्रमुख व्यवसायिक लक्ष्य विकासशील आवश्यक्ताको पहिचान गरी उत्कृष्ट बिक्रीपछिको सेवाहरु प्रदान गर्नु बताए । ग्राहकहरुको आकांक्ष बमोजिम टाटा प्रोटेक्टअन्तर्गतका सेवा तथा सुविधाले ग्राहकलाई उत्कृष्ट सेवाको ग्यारेन्टी प्रदान गर्ने र ग्रहकलाई ढुक्क भई आफ्नो व्यवसायमा ध्यान केन्दि«त गर्न सहयोग पुग्ने कुरामा विश्वस्त रहेको उनको दाबी थियो ।

त्यसै गरी टाटा मोटर्स का उपाध्यक्ष, इन्टरनेसनल विजनेस एण्ड स्ट्राटेजी, कमर्सियल भेइकल विजनेस अनुराग मेल्होत्राले टाटा मोर्टस आफ्ना ग्राहकहरुलाई विश्व स्तरीय सेवा र सन्तुष्टि दिने बताए । टाटा प्रोटेक्टका विस्तारित सेवा तथा सुविधाले गाडीको अपटाइम उच्च राख्ने, ग्रहकहरुको नाफामा समेत वृद्धि हुने र ग्राहकले तनावमुक्त सेवा तथा सुविधाको मजा लिने कुरामा विश्वस्त रहेको उनको भनाइ थियो ।

टाटा प्रोटेक्टअन्तर्गत मास्टर केयेर प्लस, टाटा जेन्यूइन पर्टस्, एक्सप्रेस सर्भिस, टाटा जिप्पि, कस्टमर हेल्पलाइन, टाटा सिल्ड, टाटा अलर्ट तथा वी केयेर गरी आठ प्रकारका सेवा तथा सुविधाहरु समावेश रहेका छन् । उक्त सेवा तथा सुविधाहरु सिप्रदीका सम्पूर्ण सर्भिस सेन्टर तथा आधिकारिक सर्भिस सेन्टरहरुबाट उपलब्ध हुनेछन् ।

मास्टर केयेर प्लस अन्तर्गत फ्लिट म्यानेजमेन्ट सोलुसन, ए.एम.सी सेवा रहेका छन् जसमा ग्राहकहरुको गाडीको सम्पूर्ण सर्भिस तथा मर्मत कार्यको जिम्मा कंपनीले लिनेछ । टाटा जेन्यूइन पर्टस्अन्तर्गत सिप्रदी वर्कशपमा फेरीएका स्पेयर पार्टस्हरुमा ६ महिना वा ५० हजार किमीसम्मको वारेन्टी सुविधा रहेको छ ।

एक्सप्रेस सेवाअन्तर्गत ४ घण्टामा गाडीको सर्भिस कार्य सकिने ग्यारेन्टी प्रदान गर्दछ । नभएमा क्षतिपूर्तीको ब्यवस्था कम्पनीले गर्नेछ ।