काठमाडौँ । आज तीन दिन लगातार बढेको नेप्से परिसूचक आज बिहीबार १६ अंकको गिरावट आएको छ । आज कारोबार रकमसमेत ९० करोडभन्दा कम भएको छ ।

नेपाल स्टक एक्सचेञ्जका अनुसार आज ८९ करोड ८९ लाख ७ हजार रुपैयाँ बराबरको २७ लाख ६७ हजार ५३९ कित्ता सेयर किनबेच भएको हो ।

आज जीवन बीमा समूह र निर्जीवन बीमा समूहको उपसूचकबाहेक अन्य सबै उपसूचक घटेको हो । सबैभन्दा बढी आज हाइड्रोपावर समूहको उपसूचक १.३७ प्रतिशतले घटेको छ ।

आज युनिलिभर नेपाल लिमिटेडका सेयर धनीले ६.५६ प्रतिशतले नाफा पाएका छन् ।