काठमाडौँ । नेपाल बैंक लिमिटेले आफ्नो ८६ औँ वार्षिकोत्सवमा काठमाडौँ उपत्यकाभित्रका शाखामा कार्यरत कर्मचारीबीच मैत्रीपूर्ण ब्याडमिण्टन प्रतियोगिता सम्पन्न गरेको छ ।

नेपाल बैंक यही ०७९ कार्तिक ३० गते ८६ औं वर्षमा प्रवेश गर्दै छ । सोही अवसरमा आयोजित कर्मचारी मैत्री ब्याडमिण्टन प्रतियोगिता मिति ०७९ कार्तिक २५ र २६ गते आयोजना भएको थियो ।

प्रतियोगितामा पुरुष एकलतर्फ विष्णुहरि न्यौपाने र महिला एकलतर्फ रुपा महर्जन प्रथम, पुरुष दुई जनातर्फ बाबुरत्न महर्जन एवं मनोज महर्जनको समूह प्रथम र महिला दुई जनातर्फ रुपा महर्जन एवम् सविना थापाको समूह प्रथम भएको थियो ।

यस्तै, दोस्रो स्थानमा पुरुष एकलतर्फ ध्रुब दाहाल र महिला एकलतर्फ सविना थापा, पुरुष दुई जनामा गोविन्द सुवेदी र ध्रुव दाहालको समूह र महिला दुई जनातर्फ बन्दना शर्मा र विद्या धिताल समूह विजयी भएको हो । कार्यक्रमको उद्घाटन नेपाल बैंकका सञ्चालक समिति विवेक राणाले गरेका थिए । कार्यक्रमको संयोजन तथा व्यवस्थापन खेलकुद उपसमितिले गरेको थियो ।

हाल बैंकले देशभर २२२ शाखा, १९८ एटिएम मेसिन साथै ४९ वटा एक्टेन्सन काउन्टरमार्फत करिब २३ लाख ग्राहकलाई वित्तीय सेवा दिँदै आएको छ । यो बैंक हाल ग्राहक सेवामा व्यापक सुधार गरी आधुनिक बैंकिङ्ग प्रविधिमार्फत बैकिङ्ग सेवा सुविधा प्रदान गर्दै आइरहेको छ ।