कर्णाली प्रदेशमाथि वागमती प्रदेशको ७ विकेटको जित

काठमाडौं । कर्णाली प्रदेशमाथि ७ विकेटको जित निकालेको वागमती प्रदेशले राजधानीमा जारी वाई वाई यु-१९ पुरुष राष्ट्रिय क्रिकेट प्रतियोगितामा लगातार चौथो जित निकालेको छ ।
कीर्तिपुरस्थित त्रिभुवन विश्व विद्यालयको मैदानमा मंगलवार सम्पन्न खेलमा कर्णाली प्रदेशले ३६.२ ओभरमा सबै विकेट गुमाएर दिएको १ सय ३१ रनको लक्ष्य वागमती प्रदेशले ३ विकेटको क्षतिमा पूरा गरेको हो । यससँगै वागमतीले जारी प्रतियोगितामा अपराजित यात्रालाई चौथो खेलमा पनि निरन्तरता दिएको हो ।
यस्तै सुदूरपश्चिम प्रदेशले पनि चारै खेलमा सुखद् नतिजा निकालेको थियो । मध्यम लक्ष्य पछ्याएको वागमतीका लागि लुक्की कठायतले अर्धशतकीय पारी खेले । ८ चौका प्रहार गर्दा उनी ५१ रनमा अविजित रहे । यस्तै अशोक पोडेलले पनि अर्धशतकीय इनिङ खेले । ६४ बलको सामना गरेका पौडेलले ७ चौका र १ छक्का हिर्काएका थिए ।
अन्य ब्याट्सम्यानले भने दोहोरो अंकको स्कोर गर्न सकेनन् । बलिङतर्फ कर्णालीका अनुज चनारा, युनिस सिंह र आवास साहले समान १/१ लिए । यसअघि टस जितेर पहिला ब्याटिङ गरेको कर्णालीका लागि कप्तान विपिन रावलले अर्धशतकीय पारी खेले । उनले ९२ बल खेल्दा ९ चौकाको सहयोगमा व्यक्तिगत ६८ रनको योगदान गरेका थिए ।
यस्तै अर्का ओपनर मनिस थापाले २५ रन जोड्दा अनिरुद्ध कुँवरले ११ रन जोड्नु बाहेक अन्य ब्याट्सम्यानले दोहोरो अंकको पारी खेल्न सकेनन् । बलिङतर्फ ७.२ ओभर बलिङ गरेका सक्रिय कार्कीले २ मेडन राख्दै २३ रन खर्चिएर सर्वाधिक ५ विकेट निकाले । अहम्मद राजाले ३ विकेट हात पार्दा ओमकार यादव र अभिषेक कोईरालाले १/१ विकेट आफ्नो नाममा लेखाए ।
यस जितसँगै वागमतीले ४ खेलबाट ८ अंक जोडेको छ । कर्णालको समान चार खेलबाट २ अंक मात्र छ । सुदूरपश्चिमसँग समान ८ अंक बनाएको वागमती तालिकाको दोस्रो स्थानमा छ । प्रतियोगिता अन्तर्गत मुलपानी मैदानमा सम्पन्न खेलमा मधेस प्रदेशले दिएको ७१ रनको लक्ष्य प्रदेश नम्बर १ ले १९.२ ओभरमा बिना विकेटको क्षतिमा भेट्टायो । प्रदेश १ का लागि सोनी अन्सरीले ४५ र शुभन गहतराजले २४ रनको अविजित पारी खेले ।
ओसिलो मैदानका कारण ४५ ओभरमा घटाएको खेलमा टस जितेर पहिला ब्याटिङ गरेको मधेस प्रदेशले ३१.३ ओभरमा सबै विकेट गुमाएर मात्र ७० रन जोडेको थियो । ओपनर मयन यादवले १९, दाब्लु मलिकले १२ रन जोड्नु बाहेक अन्य ब्ट्सम्यानले दोहोरो अंकको स्कोर गर्न सकेनन् ।
कसिलो बलिङ गरेको प्रदेश १ का लागि दिपेश कंडेलले र विपिन महतोले समान ३/३ विकेट लिए भने सन्देश भट्टराईको नाममा दुई विकेट रह्यो । अश्विन महतो र आशिष मगरले १/१ विकेट हात पारे । यससँगै प्रदेश नम्बर १ चार खेलबाट दोस्रो जित निकाल्दै तालिकामा ४ अंक बनाएको छ भने फराकिलो नतिजा सुम्पिएको मधेस प्रदेशको यो लगातार तेस्रो हार हो ।
प्रतियोगितामा बुधवार पनि दुई खेल हुनेछन् । कीर्तिपुर मैदानमा लुम्बिनी प्रदेशले प्रदेश १ सँग प्रतिष्पर्धा गर्दा मुलपानीमा गण्डकी र कर्णाली प्रदेशबीच प्रतिष्पर्धा हुनेछ ।









इमरान खानको अवस्थाबारे पाकिस्तानी सिनेटरले के भने ?
सात वर्षीया बालिका बलात्कारको आरोपमा ६७ वर्षीय वृद्ध पक्राउ
कांग्रेस केन्द्रीय कार्यसमितिको बैठक सर्यो
प्रलोपाले देशैभर भ्रष्टाचार विरोधी अभियान चलाउने
वामपन्थीलाई एकता प्रक्रियामा सहभागी हुन नेकपाको आह्वान
आज २०८२ साल मंसिर ११ गते बिहीबारको राशिफल
सेना परिचालन गर्न राष्ट्रपतिको स्वीकृति
प्रेस काउन्सिलले मेरो न्यूजलाई पत्र काटेकोमा काउन्सिलकै सदस्यकाे फरक मत
पोखराको पहिलो जित, साविक विजेता जनकपुर फेरि निराश
जेनजी आन्दोलनका सहिदः ‘सहिद घोषणा मात्रै होइन, न्याय पनि चाहिन्छ’
प्रतिक्रिया