कतार विश्वकप २०२२
दक्षिण कोरियाविरुद्ध ब्राजिलको सानदार जित, लगातार आठौंपटक क्वार्टरफाइनलमा

काठमाडौं । कतारमा जारी विश्वकप फुटबलको अन्तिम १६ को खेलमा ब्राजिलले दक्षिण कोरियामाथि गोलको वर्षा गदैं क्वार्टफाइनलमा प्रवेश गरेको छ ।
ब्राजिल ४-१ गोलले क्वार्टफाइनलमा प्रवेश गरेको हो ।
खेलको पहिलो हाफको ३६ मिनेटभित्रै ब्राजिलले कोरियाविरुद्ध ४–० को अग्रता लिएको थियो । त्यही अग्रता नै ब्राजिललाई जितको लागि महत्वपूर्ण सावित भयो ।
दोस्रो हाफमा भने ब्राजिलले गोल गर्न सकेन । दक्षिण कोरियाले दोस्रो हाफमा एक गोल फर्काएको थियो ।
ब्राजिलका लागि खेलको सातौं मिनेटमा भिनिसियस जुनियर, १३ औं मिनेटमा नेयमार, २९ औं मिनेटमा रिचार्लिसन र ३६ औं मिनेटमा लुकास काकोइटाले गोल गरेका थिए ।

दक्षिण कोरियाका तर्फबाट भने खेलको ७६ औं मिनेटमा पाइक सेउंघोले गोल गरेका हुन्। डिबक्स बाहिरबाट उनले गरेको लामो प्रहार ब्राजिलका गोल रक्षकले रोक्न सकेनन्। क्वार्टफाइनलमा अव ब्राजिलको भेट क्रोएसियासँग हुनेछ ।
विश्वकप फुटबलमा सर्वाधिक सफल टिम हो ब्राजिल। सबै विश्वकपमा सहभागी एक मात्रै टिम पनि हो। जसले ७ पटक फाइनलको यात्रा तय गर्दा सर्वाधिक ५ पटक उपाधि जितेको छ। अहिलेसम्मका सबै विश्वकप खेलेको ब्राजिल छैटौं उपाधिको खोजीमा छ।
ब्राजिल अन्तिम १६ बाट दुई पटक मात्रै बाहिरिएको थियो । १९३४ को दोस्रो विश्वकप र १९९० मा मात्रै अन्तिम १६ बाट बाहिरिएको थियो। त्यसयता उसले अन्तिम १६ बाट कहिल्यै बाहिरिनु परेको छैन ।

७ विश्वकपमा फाइनलमा पुगेको ब्राजिलले ५ पटक विश्वकप जितेको छ। पछिल्ला ७ विश्वकपमा ३ पटक फाइनलमा पुगेको ब्राजिलले २ पटक उपाधि जितेको छ। ब्राजिल २०१४ सहित ४ पटक सेमिफाइनल पुगेको छ।
५ पटक क्वार्टरफाइनजलबाट बाहिरिएको छ भने ३ पटक मात्रै समूह चरणबाट बाहिरिएको छ।
दक्षिण कोरिया १९५४ मा पहिलो पटक विश्वकपमा सहभागी भएको थियो। त्यसपछि ७ वटा विश्वकपमा सहभागी नभएको कोरिया अहिले लगातार १० औं पटक विश्वकपमा सहभागी भएको थियो ।
कोरियाको सर्वाधिक सफल विश्वकप २००२ को हो। जतिबेला ब्राजिलले उपाधि जितेको थियो। त्यतिबेला सेमिफाइनलसम्म पुगेको कोरिया बाँकी ८ विश्वकपमा समूह चरणबाट अगाडि बढ्न सकेको थिएन। २०१० मा अन्तिम १६ बाट बाहिरिएको थियो। २०२२ मा पनि अन्तिम १६ बाट उसले आफनो यात्रालाई विश्राम गरेको छ ।








इमरान खानको अवस्थाबारे पाकिस्तानी सिनेटरले के भने ?
सात वर्षीया बालिका बलात्कारको आरोपमा ६७ वर्षीय वृद्ध पक्राउ
कांग्रेस केन्द्रीय कार्यसमितिको बैठक सर्यो
प्रलोपाले देशैभर भ्रष्टाचार विरोधी अभियान चलाउने
वामपन्थीलाई एकता प्रक्रियामा सहभागी हुन नेकपाको आह्वान
आज २०८२ साल मंसिर ११ गते बिहीबारको राशिफल
सेना परिचालन गर्न राष्ट्रपतिको स्वीकृति
प्रेस काउन्सिलले मेरो न्यूजलाई पत्र काटेकोमा काउन्सिलकै सदस्यकाे फरक मत
एनपिएलः आज दुई खेल हुँदै
पोखराको पहिलो जित, साविक विजेता जनकपुर फेरि निराश
प्रतिक्रिया