काठमाडौँ । पछिल्लो समय चर्चित सामाजिक सञ्जाल ट्वीटर किनेर थप चर्चा बटुलेका टेस्ला तथा स्पेसएक्स कम्पनीका संस्थापक एलन मस्कलाई पछि पार्दै फ्रान्सेली अर्बपति बर्नार्ड अर्नाल्ट विश्वकै सबैभन्दा धनी बनेका छन् ।

विश्व प्रसिद्ध फ्रोब्स म्यागेजिनको रियल टाइम इन्डेक्सअनुसार हाल अर्नाल्ट विश्वका सबैभन्दा धनी बनेको जनाइएको हो ।

नयाँ विश्वकै धनी अर्नाल्ट फेसन ब्राण्ड लुई भिटनको प्यारेन्ट कम्पनी एलभीएमएचका मालिक हुन् । हाल उनको रियल टाइम अर्निङ १८६.६ बिलियन डलर रहेको छ ।

दोस्रो स्थानमा रहेका एलन मस्कको रियल टाइम अर्निङ १८५.४ बिलियन डलर रहेको छ । यस्तै १३४.८ बिलियन डलरसहित भारतीय अर्बपति गौतम अडानी विश्व तेस्रो धनाढ्य बनेका छन् । एजेन्सी