काठमाडौँ । नेपाली राष्ट्रिय क्रिकेट टोलीका मुख्य प्रशिक्षक मनोज प्रभाकरले पदबाट राजीनामा दिएका छन् । गत डिसेम्बर २ देखि ८ सम्म नामिबियामा सम्पन्न आईसीसी पुरुष क्रिकेट विश्वकप लिग २ अन्तर्गत त्रिदेशिय शंखलामा हार बेहोरेसँगै उनी स्वदेश फिर्ता भएका थिए ।

प्रभाकरले राजीनामा दिएको हो वा होइन भन्नेबारे नेपाल क्रिकेट संघ (क्यान)ले औपचारिक घोषणा गरेको थिएन । बिहीबार क्यानले प्रभाकरको राजीनामा स्वीकृत गरेको जानकारी दिएका हो ।

तत्कालिन प्रशिक्षक पुवुदु दाशनायकेले राजीनामा दिएसँगै नेपाली क्रिकेटको जिम्मेवारी सम्हालेका प्रभाकरले राम्रो नतिजा दिन सकेका थिएनन् ।