काठमाडौँ । नेपालका लागि होण्डा मोटरसाइकल तथा स्कुटरको आधिकारिक बिक्रेता स्याकार ट्रेडिङ्ग कम्पनी प्रा.लि.ले आफ्नो दशैं तथा तिहार स्किम ‘होण्डाको दशैंको शुभ लाभ’को विजेताहरू घोषित गरेको छ ।

यस योजनाअन्तर्गत ग्राहकहरूले सबै प्रदेशबाट एक एक जना गरी सात जनाले, लाख र बम्परमा लक्की ड्र मार्फत १५ लाख रुपैयाँ नगद उपहार प्राप्त गरेका छन् ।

‘होण्डाको दशैंको शुभ लाभ’ योजनाअन्तर्गत प्रदेश १ बाट सत्य साई अटो सिटी प्रालिका दुर्गा देवी सापकोटा, प्रदेश २ बाट मिसिका इन्टरप्राइजेज्का अमित कुमार शाह, प्रदेश ३ बाट एसटीसी टेकुका मनिशा बज्राचार्य, प्रदेश ४ बाट कुँवर ब्रदरर्सका कृष्ण कुमार आले, प्रदेश ५ बाट अमृत इन्टनेशनल प्रालिका बिष्णु पोखरेल रहेका छन् । यस्तै, प्रदेश ६ बाट डन्फी अटो पार्टस् एण्ड सप्लायर्सकी सुनिता खत्री र प्रदेश ७ बाट उमा ट्रेडरर्सका लक्ष्मण भट्टले एक लाख नगद उपहार प्राप्त गरेका छन् ।

त्यसैगरी चन्द्र बहादुर थापा सिद्धी विनायक अटो इन्ट प्रालिले बम्पर उपहारस्वरुप १५ लाख रुपैयाँ पाएका छन् । यसका साथै, यस योजनाअन्तर्गत, ग्राहकहरुले स्क्र्याच कुपनमार्फत सात लाखसम्मको क्यासब्याक र अन्य आकर्षक उपहारहरुका साथै इजी फाइन्यान्सको पनि सुविधा प्राप्त गरेका छन् ।