आइतबार, मंसिर १४, २०८२

विश्वकप फाइनल : यी हुन् टोलीका सुरुवाती ११ खेलाडीहरू

मेरोन्यूज २०७९ पुष ३ गते १९:५६

काठमाडौँ । कतारमा जारी फिफा विश्वकप फुटबलको फाइनल खेल केहीबेर हुने भएको छ । विश्वकपको फाइनलमा अर्जेन्टिना र फ्रान्सबीच प्रतिस्पर्धा हुने भएको हो ।

लुसिल स्टेडियममा हुने फाइनल खेल नेपाली समयअनुसार राति ८ः४५ बजे सुरु हुनेछ । अर्जेन्टिना र फ्रान्स तेस्रोपटक विश्वकप उपाधि उचाल्ने दौडसहित मैदानमा उत्रिने भएको हो ।

अर्जेन्टिनाले सन् १९७८ र १९८६ मा विश्वकप ट्रफी हात पारेको थियो भने फ्रान्सले सन् १९९८ र २०१८ मा विश्वकप ट्रफी उलेको हो ।

अर्जेन्टिना लियोनल मेस्सीको कप्तानीमा रहेको मैदानमा उत्रिने भएको हो । यता, ह्युगो लोरिसको कप्तानीमा रहेको फ्रान्स लगातार दोस्रोपटक विश्वकपको फाइनलमा पुगेको हो ।

आजको खेलमा दुई टोलीबाट पहिलो ११ जनामा यी खेलाडीहरू परेका छन् ।

अर्जेन्टिनाबाट

लिओनेल मेस्सी, एमिलियानो मार्टिनेज, नाहेल मोलिना, क्रिस्टियन रोमेरो, निकोलस ओटामेन्डी, निकोलस टाग्लीयाफिको, एञ्जल डी मारिया, रोड्रिगो डे पल, एञ्जो फर्नाण्डेज, एलेक्सिस म्याक एलिस्टर र जुलियन अल्भारेज

फ्रान्सबाट

ह्युगो लोरिस, जुल्स कुण्डे, राफाएल भारान, डायोट उपामेकानो, थिओ हर्नाण्डेज, औरेलिएन चुआमेनी, एड्रिएन राबीओट, एन्टोइन ग्रिजमन, ओस्मान डेम्बेले, ओलिभिएर जिरुड र केलियन एमबाप्पे

प्रतिक्रिया